Tononkalo

Izay ny anjara. Haiko fa fantatrao. Raha ny safidintsika, mbola teto izaho sy ianao Fa folo taona izay, no nihaonantsika farany Samy nanana ny lalany, samy nanana ny anjarany.

Ianao ranomasina masira Izaho loharano mikoriana Finaritra ny diako mangiana Maharehy anao mihira-hira

Be ny olona nahafantatra, Izaho irery no tsy resy lahatra. Eran'ny tanàna toa nalaza, Tamiko ihany no tsy nazava. Aleo miala, mitsangàna, Ry tongotro, mandehana.

Amina taneta tsisy farany, ho resahiko ianao. Ho harahiko ianao, atramin'ny fiodin'ny tany Ary rehefa hanidina ianao, hanatry fiainam-baovao Ny bitsibitsiko ho anao, mbola tsy ho lany.

Anaty fiara mainty iray, lava, toa mamiratra Misy olo-manan-kaja, mifatotra amin'ny peratra; Peratra ... tsy peratra ... toa tsy aferanao: Ianao andriambavilanitra, toa teraka hilalao.

Rehefa miatrika ahy toy izao ny masonao, tsapako Fa maizina ny lalana ho diaviko... ka tsy sahiko. Tsy sahy tokoa ny tena satria matevina ilay fatotra, Malemy tampoka ny saina, ny fo tsy sahy manolotra.