Tononkalo #Fitiavana

Izay ny anjara. Haiko fa fantatrao. Raha ny safidintsika, mbola teto izaho sy ianao Fa folo taona izay, no nihaonantsika farany Samy nanana ny lalany, samy nanana ny anjarany.

Be ny olona nahafantatra, Izaho irery no tsy resy lahatra. Eran'ny tanàna toa nalaza, Tamiko ihany no tsy nazava. Aleo miala, mitsangàna, Ry tongotro, mandehana.

Rehefa miatrika ahy toy izao ny masonao, tsapako Fa maizina ny lalana ho diaviko... ka tsy sahiko. Tsy sahy tokoa ny tena satria matevina ilay fatotra, Malemy tampoka ny saina, ny fo tsy sahy manolotra.